نواز شریف اور مریم نواز کو جیل میں مچھر ستانے لگے،دونوں کے لیے خصوصی انتظامات

 سزا یافتہ سابق وزیراعظم نواز شریف اور ان کی صاحبزادی مریم نواز کو اڈیالہ جیل میں پانچ روز گزر چکے ہیں لیکن دونوں ابھی تک خود کو جیل کے ماحول میں ڈھال نہیں سکے۔ نجی ٹی وی چینل کے مطابق نواز شریف اور ان کی صاحبزادی مریم نواز جیل میں حبس اور گرمی کی شکایت کر رہے ہیں۔جیل ذرائع کا کہناہے کہ میاں نواز شریف شدید حبس کے باعث کہی مرتبہ گھبراہٹ کا اظہار کرچکے ہیں، اس کے علاوہ  نواز شریف اور مریم نواز جیل میں مچھروں کی موجودگی کے بارے میں بھی آگاہ کرچکے ہیں۔ جیل کے حکام کا کہنا ہے کہ جیل میں ہر روز شام کے اوقات میں مچھر مار اسپرے کیاجاتا ہے تاہم برسات کے موسم کے باعث جیل میں مچھروں کی تعداد زیادہ ہیں۔

یاد رہے  نواز شریف اور ان کے داماد کیپٹن  صفدر کو جیل میں لوہے کی چارپائیاں دی گئی ہیں۔ جو سفیدسوتی نوار سے بنای ہوئی ہیں جن کے اوپربچھانے کیلئے فوم کے گدے دئیے گئے ہیں یہ چارپائیاں بہتر کلاس کے اسیروں کودی جاتی ہیں۔ اس سے قبل نوازشریف اورکیپٹن (ر)صفدر زمین پر میٹرس بچھا کر سوتے رہے ہیں۔ جبکہ مریم نواز کو پہلے ہی  چارپائی دی گئیتھی جیل ذرائع کے مطابق مریم نواز نے چارپائی پر گدے کے بجائے پتلی تلائی منگوائی۔ جب کہ نواز شریف کے لیے 3 ڈاکٹروں کا انتظام بھی کیا گیا ہے۔ 

اس سے قبل نواز شریف کا باتھ روم گندا ہونے کی شکایت تھی۔جس پر انہیں دوسرا کمرہ دے دیا گیا تھا۔ تاہم اب موصول ہونے والی اطلاعات کے مطابق نواز شریف کے نئے کمرے کا باتھ روم قدرے بہتر ہے۔ دو روز قبل گرمی اور حبس کے باعث نواز شریف کی طبیعت میں بے چینی ا گئی تھی۔ جس پر ان کا چیک اپ کیا گیا۔ ڈاکٹرز نے نواز شریف کا بلڈ پریشر، شوگر اور نبض چیک کی۔ یاد رہے سابق وزیراعظم ہونے کی وجہ سے انہیں اتنی سہولیات دی جا رہی ہیں۔ 

Leave a Reply

Your email address will not be published. Required fields are marked *